欲按怎用 vim 開 C code, 閣直接跳去指定ê所在

這規个系列，攏是用台文書寫--的。毋過，我相信捌華語的人嘛看有，干焦讀袂出來。若有無確定意思，會當查字典:

教育部閩南語常用辭典: 是這馬 ê 標準，簡稱 "教典"
iTaigi: 是較新，較活潑，互動式--ê。若到教典查無，就來遮試看覓。


vim 是 open source ê 編輯器。我定定用伊來寫程式。有時，咱知影欲 uì 佗位開始，無想欲先拍開才閣徙去彼咧所在欲按怎樣做較好? 若是 C 程式，定定用的就是直接跳去函式，抑是第幾逝。這時，咱會使用:

$ vi +LineNumber fileName

LineNumber 就是第幾逝，比如講: vi +100 source.c 就是拍開 source.c 了後直接跳去第 100 逝。
若是知影一咧特別 ê 字，比如講: hello，你會當用

$ vi +/hello fileName

就是 hello 前添一咧 +/， 按呢伊就會直接跳去 hello ê 所在。

參考資料: 

VI / VIM: Open File And Go To Specific Function or Line Number

Vim - 欲按怎共無欲挃的空格擲挕捒?

咱佇寫程式的時, 有時無細膩會佇一逝裡加添空格(Space)。因為伊無影無跡，目睭看無，所以無法度簡單發覺。
因為我用 Vim 慣勢，就順紲介紹 Vim 的撇步，我是參考這篇文章，若是有興趣，欲學較深--ê，會使去沓沓仔看: Highlight unwanted spaces

咱講的空格(Spaces)有兩種: 空白(whitespace) 和 thè-pù (tab)。佇 ASCII 編碼，攏是一咧 code 的長度，空白是 0x20，TAB 是 0x9 抑是 0xb，毋過 thè-pù 是幾落的空白合起來的距離，普通是 4 抑是 8 的空白準做一咧 thè-pù。

咱有時干焦想欲 thè-pù，有時干焦想欲空白，有時無細膩佇一句話尾溜加拍一的空白。咱有濟濟辦法來共無欲挃的空格揣--出來。佇遮先寫一種。

用搜揣來炤字 (Highlighting with a search)

這上利便，你干焦用一寡樣式來共欲你欲挃的字炤予光(Highlight)。咱愛共 vim 的那揣那炤(search highlighting) 拍予開 (:set hlsearch)

這是咱的例: dog.txt



這是欲拍開那揣那炤字功能 (:set hlsearch)的畫面:



這是咱拍 (/dog) 來炤 dog 這字:

咱會當看著 dog 光--起來阿。

若欲好好運用這咧工具，咱愛學一寡樣式(pattern)。上好共伊記的頭殼--裡抑是筆記--落來。

欲用啥物樣式來炤空白和thè-pù 呢?

下跤是5 的樣式的例

" Show all tabs:
/\t

" Show all whitespaces:
/ 

" Show trailing whitespace:
/\s\+$

" Show spaces before a tab:
/ \+\ze\t

頭一例是炤所有的thè-pù，\t 是thè-pù 的樣

第二是空白，注意: \ 有一咧空格佇 \ 後壁: 伊干焦炤空白，無炤 thè-pù

第三的 /\s\+$ 是炤句尾加的空格:

其實咱講的樣式，是一種真有路用的 Regular Expression。Regular Expression 是寫程式的基礎的智識，毋但 vim，佇所有的 IT 領域，像 Python，C，Perl，。。。，攏相拄會著，值咧你去揣專門的冊來看，佇遮咱先簡單解說:
\s 是包括空白和 thè-pù 的所有的空格
\+ 是表示一咧以上的。\s\+ 表示一咧以上的空格。
$ 是表示一句的尾溜。
\s\+$ 合起來就是佇一句尾仔，一咧以上的空格。所以咱看著的是:

落尾， \+\ze\t 是揣出佇 thè-pù 進前的空格:
 \+ : 一咧抑是濟的空格

\ze :表示頭前 \+的結束，用來共頭前佮後壁的 \t 敆做伙。
\t  :thè-pù