無眠

以下是蘇打綠 ê 無眠, 用教育部 ê 標準用字,  小可校正.口音盡量按照 Youtube 內, 我聽著 ê 青峰 ê 口音!

今仔日月娘那遐爾光                   kin-á-ji̍t   gue̍h-nîu  ná    hiah-nī kng
照著阮歸暝攏袂當睏                   tsìo-ti̍oh  gún  kui-mî  lóng   bē-tàng  khùn
連頭毛都無歇睏                          liân  thâu-m̂ng  tōo  bô  hioh-khùn
（親像魚死佇花園）                   tshin-tshīunn  hî  sí  tī  hue-hn̂g

你敢知阮對你的思念                  lí   kám  tsai  gún  tuì  lí  ê  su-liām
希望你有仝款的夢                     hi-bāng  lí  ū  kāng-khún  ê  bāng
咱兩人做陣轉來彼一工              lán  nng  lâng  tsuè-tīn  tńg--lâi  hit   tsi̍t  kang
互相依倚的情愛                         hōo-sìong  i-uá  ê  tsîng-ài

佇你的心肝內                             tī  lí  ê  sim  kuann  lāi
是不是閣有我的存在                  sī  m̄  sī  koh  ū   guá  ê  tsûn-tsāi
永遠攏咧等                                íng-uán  lóng  teh  tán
有時陣嘛會毋甘願                     ū-sî-tsūn  mā  ē  m̄  kam-guān

想講要作夥飛                            siong  kóng  beh  tsuè-hué  pue
去一个心中美麗的所在             khí  tsit-ê sim-tiong  bí-lē  ê  sóo-tsāi
所有的一切                               sóo-ū  ê  it-tshè
攏總佮你囥作夥                        lóng  tsóng  kah  lí  khǹg  tsò-hué 
希望你 會當了解                       hi-bāng  lí  ē-táng  liáu-kái
(為著你 我一定等）                  uī  ti̍oh  lí guá it-tīng táng

我毋管偌濟時間偌濟目屎         guá m̄-kuán guā-tsuē sî-kan guā-tsuē bo̍k-sái 
  偌濟失望來忍耐                     guā-tsuē sit-bōng lâi lím-nāi
我毋管你當時會轉來                guá  m̄-kuán  lí  tang-sî  ē  tńg-lâi
其實我嘛毋知影為怎樣            kî-si̍t guá mā m̄-tsai-iánn uī-tsuánn-īunn
  為怎樣憨憨等待                     uī-tsuánn-īunn gōng-gōng lâi tán-thāi

你 是我唯一的愛                      lí  sī  guá  uî  i̍t  ê  ài

懷春曲

以下是根據林英美所唱 ê 懷春曲, 儘量以教育部所定的標準台文來重寫歌詞
另外 A-Lan 所演唱的版本, 嘛真好聽!



日落西天色黃昏     馬車跑山侖
 li̍t lo̍k sai thinn-sik hông-hun         bé-tshia pháu suann-lūn

咱二人真有緣份     相會在這陣
 lán nn̄g-lâng tsin ū iân-hūn           siong-huē tsāi tsit-tsūn

阮心內真正興奮     佮著貼心君
 gún sim-lāi tsin-tsiànn hing-hùn      kah tīo tah-sim kun

手牽手做陣游賞     快樂當青春
 tshíu khan tshíu tsuè-tīn îu-síunn   khuài-lo̍k tng tshing-tshun

戀花開又媠又芳     花心一點紅
 luān hue khui īu suí īu phang         hue-sim tsit tiám âng

在等待蝴蝶飛來     守阮的花欉
 tsai tán-thāi ôo-tia̍p pue-lâi              síu gún ê hue tsâng

為著伊心情茫茫     日頭直直暗
 uī ti̍oh i sim-tsîng bâng-bâng         li̍t-tâu ti̍t-ti̍t àm

提紙筆來寫情批     寄乎伊一人
 thê tsuá-pit lâi siá tsîng-phue        kià hō i tsit lâng

在眠夢佮伊相見     散步溪仔墘

 tsāi bîn-bāng kah i sann-kìnn         sàn-pōo khue-á kînn

夢見伊對阮講起     婚緣的代誌
 bāng-kìnn i tuì gún kóng-khí          hun-iân ê tāi-tsì

初戀味情意真甜     見笑暗歡喜
 tshoo luân tshîng-ì tsin tinn           kiàn-siàu àm huann-hí

醒來才知影都是     夢見見著伊
 tshínn--lâi tsiah tsai-iánn to-sī       bāng-kìnn kìnn tio̍h i

想彼時自由自在     談情相意愛
 sīunn hit-sî tsū-uî-tsū-tsāi             tâm tsîng sio ì-ài

心對心談情說愛     歡喜無人知
 sim tuì sim tâm tsîng suè ài          huann-hí bô lâng tsainn

求神明替阮想覓     佮阮鬥催排
 kîu sîn-bîng thè gún siūnn-māi          kah gún tàu tshui-pâi

保庇阮達成希望     幸福的將來
 pó-pì gún ta̍t sîng hi-bāng            hīng-hok ê tsiong-lâi